Папярэдняя місія назіральнікаў ад ПАСЕ

Давайце вернемся да тэмы візіту ў Беларусь папярэдняй місіі назіральнікаў ад ПАСЕ. У яе склад увайшлі дэпутаты парламентаў розных краін: Турцыі, Германіі, Швецыі, Італіі. Іх задача - абмеркаваць усе пытанні, што тычацца правядзення перадвыбарнай кампаніі. Дэлегацыя Парламенцкай асамблеі Савета Еўропы правяла перамовы са Старшынёй Палаты прадстаўнікоў Нацыянальнага сходу Беларусі Уладзімірам Андрэйчанкам, з кіраўніком верхняй палаты парламента Міхаілам Мясніковічам, а таксама з кіраўніцтвам Белтэлерадыёкампаніі. Сустрэчы прайшлі на даволі пазітыўнай ноце. Пра выніковую ацэнку выбараў мы даведаемся ўжо зусім хутка, памятаем, яны адбудуцца 11 кастрычніка.