Бюджэт саюзнай дзяржавы на 2020 год зацверджаны. Сёння ў Таўрычаскім палацы Санкт-Пецярбурга прайшла сесія Парламенцкага сходу Саюза Беларусі і Расіі. Сума бюджэту - 5 мільярдаў 500 мільёнаў расійскіх рублёў. Больш як 85 % пойдзе на рэалізацыю адзінаццаці саюзных праграм. Яны датычацца супрацоўніцтва ў навуцы, прамысловасці, сельскай гаспадарцы, транспарце, гарантаванні бяспекі Саюзнай дзяржавы. Таксама за кошт саюзнага бюджэту прадоўжыцца рэканструкцыя мемарыяльнага комплексу "Брэсцкая крэпасць-герой" і будаўніцтва Ржэўскага мемарыяла савецкаму салдату. Адкрыццё павінна адбыцца 9 Мая будучага года.
Таксама сёння ў Санкт-Пецярбургу адкрыецца юбілейная, 50-ая сесія Міжпарламенцкай асамблеі СНД. На парадку дня дзясяткі важных пытанняў. Гэта развіццё сельскіх тэрыторый краін Садружнасці, супрацоўніцтва ў навуцы, адукацыі і моладзевай палітыцы і процідзеянні міжнароднаму тэрарызму.
Зацверджаны бюджэт Саюзнай дзяржавы на 2020 год
21 ноября 2019