Тэарэтычныя напрацоўкі вышэйшай школы бярэ на ўзбраенне рэальны сектар эканомікі Беларусі. Цеснае супрацоўніцтва бізнесменаў з ВНУ дапамагае ўкараніць новыя эканамічныя мадэлі і рэалізаваць наватарскія падыходы ў лагістыцы, гандлі і сферах страхавых і банкаўскіх паслуг. Так, Гродзенскі дзяржуніверсітэт праводзіць семінары для прыватных прадпрымальнікаў, менеджараў, банкіраў і кіраўнікоў кампаній.
Марына Карпіцкая, дэкан факультэта эканомікі і кіравання Гродзенскага дзяржуніверсітэта імя Я. Купалы: "Мы гатовыя прапанаваць схемы працы ў рамках новых падыходаў да бізнес-планавання, выжывання ў крызісных умовах. І таму такое ўзаемадзеянне, якое рэалізуецца на нашым факультэце, паспяхова паказвае плён не толькі ў рамках вышэйшай школы, але і для суб'ектаў рэальнага сектара эканомікі".
Падобныя семінары ў рэгіёне ўжо наведалі прадстаўнікі банкаў і сферы страхавання, а таксама гандлю. Асабліва такая вучоба актуальная ў атмасферы канкурэнцыі, якая нарастае, незалежна ад галіны.
