Восем кантрактаў на 12 млн долараў. Новыя пагадненні аб садзейнічанні гандлю і дамоўленасці працаваць разам, ствараючы сумесныя вытворчасці і прыцягваючы інвестыцыі ў перспектыўныя праекты.
Гэта вынік афіцыйнага візіту прэм'ер-міністра Беларусі ў Егіпет. Падчас перамоў размова ішла пра гатоўнасць нашай краіны ўнесці значны ўклад у гарантаванне харчовай бяспекі Егіпта, абмяркоўвалі і стварэнне зерневага хаба. Таксама адзначаліся значныя рэзервы супрацоўніцтва ў прамысловасці.
Беларускія прадпрыемствы гатовы больш актыўна прапаноўваць свае тавары рынку Егіпта. Ужо ёсць дамоўленасці ўдзельнічаць у выставах прадуктаў харчавання і сельгастэхнікі.