Новыя калекцыі вясна-лета і прымяненне інавацыйных метадаў пашыву. Айчынныя вытворцы адзення і трыкатажу павялічваюць долю продажаў на унутраным рынку і пашыраюць геаграфію экспарту. Напрыклад, у дзяржавы Сярэдняй Азіі пастаўкі тавараў лёгкай прамысловасці павялічыліся ў паўтара раза.
Надзея Сербіненка пабывала на дзвюх найбуйнейшых фабрыках лёгкай прамысловасці Мінскай вобласці. Салігорск па праве можна назваць цэнтрам лёгкай прамысловасці. Тут знаходзяцца адразу два найбуйнейшыя прадпрыемствы па вытворчасці адзення і бялізны. На адной з фабрык трыкатаж - асноўны тавар. Піжамы, сарочкі, камплекты дзіцячай бялізны і паўсядзённае адзенне для актыўнага адпачынку. Асартымент разнастайны.
Сучасны пакупнік - вельмі патрабавальны і дасведчаны. Таму прымяненне новых тэхналогій - неабходнасць для вытворцы. Для гарантыі якасці ўвесь трыкатаж вырабляюць па метадзе "двухбаковага кручэння", што павышае зносаўстойлівасць бялізны ў некалькі разоў.
Зараз фабрыкі па вытворчасці адзення актыўна рыхтуюцца да летняга сезона. Сукенкі, касцюмы, блузкі, лёгкія курткі – ужо на раскройным стале. Смелыя дызайнерскія рашэнні на гэтым прадпрыемстве ўвасабляюць раскройшчыкі і швачкі.
Пасля таго як выраб быў скроены і пашыты, ён трапляе у рукі прасавальшчыцы. Перад тым як блузка трапіць у продаж, яна павінна мець ідэальны выгляд.
Калекцыю вясна-лета - 2016 салігорскія дызайнеры распрацавалі загадзя. Зараз усе эскізныя мадэлі гатовыя і чакаюць канчатковага пашыву. Ужо ў маі ўвесь летні асартымент паступіць у продаж.
За апошні год продаж тавараў пад маркай "Зроблена ў Беларусі" павялічыўся. Адпаведна імпарт тавараў лёгкай прамысловасці знізіўся на 30 %. Што да паставак беларускага адзення за мяжу, то аб'ёмы штогод значна павялічваюцца. Прычым на экспартнай карце з'яўляюцца новыя пункты. Натуральныя тканіны падабаюцца спажыўцам Сярэдняй Азіі, Блізкага Усходу і Заходняй Еўропы.
