Сёння ў Мінску кіраўніцтва "Союзмалака", якое прадстаўляе інтарэсы 200 расійскіх кампаній, правяло перамовы з беларускімі калегамі. Партнёры абмяркоўваюць неабходнасць падкарэкціраваць тэхрэгламенты, што датычацца малочнай прадукцыі. Размова пра натуральныя прадукты, зробленыя выключна з малака, і тыя, дзе выкарыстаны заменнікі малочнага тлушчу. Тэхрэгуляванне такой прадукцыі прапанавана падзяліць. Гэта прадугледжвае ў тым ліку паасобныя паліцы ў магазінах. Спажывец будзе дакладна ведаць, што купляе: на сто працэнтаў натуральны прадукт ці той, дзе высокае ўтрыманне заменнікаў малочных кампанентаў. Пры гэтым апаскі, што натуральнае малако выцесняць з паліц або яго цана вырасце, неабгрунтаваныя.
Праблема псеўдамалака асабліва актуальная для расійскага рынку. На беларускіх паліцах доля такіх прадуктаў меншая за працэнт. Змяненні ў тэхрэгламенты - гэта абарона нашай прадукцыі на суседнім рынку і павышэнне лаяльнасці расійскіх пакупнікоў.
