Калекцыю адзення "Погляд у будучыню" сёння прэзентаваў Беллёгпрам у Нацыянальнай школе прыгажосці. На паказе прысутнічалі кіраўнік Адміністрацыі Прэзідэнта Наталля Качанава, а таксама кіраўнікі беларускіх тэкстыльных і швейных прадпрыемстваў. Гасцям паказалі мадэлі для дарослых і дзяцей: дзелавыя касцюмы і сукенкі ад беларускіх вытворцаў мас-маркету і дызайнераў з тканіны "Камволя" і Аршанскага льнокамбіната. Гэтыя прадпрыемствы прайшлі маштабную мадэрнізацыю і сёлета разлічваюць нарасціць аб'ёмы вытворчасці. У прыватнасці, па льну на 20 %, а па шэрсці - да 70 %.
Пасля паказу калекцый адзення швейнікі і тэкстыльшчыкі абмеркавалі сумесную працу. Галоўнае - знайсці баланс па суадносінах цана - якасць, каб беларускае адзенне было даступнае для свайго пакупніка.
