Сёння Следчы камітэт агучыў падрабязнасці выбуху ў прыватным доме ў Барысаве, у выніку якога пацярпеў чалавек. Выбух газапаветранай сумесі бытавога характару - асноўная версія здарэння. На гэты момант праводзіцца папярэдняя праверка. Эксперты ўсё яшчэ працуюць на месцы здарэння. Следчыя апытваюць відавочцаў, вывучаюць дакументы па газазабеспячэнні і тэхнічным абслугоўванні. Нагадаем, што выбух на вуліцы Адамовіча прагрымеў днём у аўторак, на месца аператыўна прыбылі байцы МНС, якія ліквідавалі пажар і выявілі пацярпелага - 39-гадовага мужчыну. Зараз ён знаходзіцца ў бальніцы, дзе ўрачы аказваюць яму неабходную дапамогу.
