Супрацоўнікі ГУБАЗ Беларусі затрымалі двух чорных капальнікаў, якія незаконна прадавалі зброю. У першым выпадку ў 38-гадовага бізнесмена з Жодзіна знайшлі цэлы арсенал у яго катэджы - наразную і гладкаствольную зброю, патроны і вялізную колькасць узрыўчаткі. Вядома, што мужчына не толькі шукаў і рэстаўраваў зброю, але і скупліваў яе ў аднадумцаў, верагодна, для далейшага перапродажу на чорным рынку. Узбуджана крымінальная справа.
Яшчэ аднаго чорнага капальніка супрацоўнікі ўпраўлення па барацьбе з арганізаванай злачыннасцю затрымалі ў Магілёўскай вобласці. Лічыцца, што мужчына сам шукаў трафеі ў месцах баёў. Пасля агнястрэльныя ствалы рэстаўраваліся і прадаваліся. Сярод пастаянных кліентаў былі браканьеры.
