Ёсць меркаванне, што менавіта 24-гадовы Юрый Зайцаў стаяў на чале злачыннай групоўкі, што прадавала асабліва небяспечныя псіхатропы, так званыя дызайнерскія маркі. Наркотыкі, здольныя звесці спажыўца з розуму або нават забіць. Справа ў тым, што пад выглядам адной дозы дзялкі маглі прадаць кліенту марку з куды большай колькасцю наркотыку. Як мяркуецца, менавіта па гэтай прычыне летась памерлі двое хлопцаў і адна дзяўчына. Многія з кампаньёнаў арганізатара ўжо за кратамі. Сам жа Юрый Зайцаў аб'яўлены ў міжнародны вышук. Вядома, што ў сталіцы ён спрабаваў перавесці ў наяўныя паўтара мільярда рублёў. Яшчэ амаль 700 мільёнаў знаходзіліся на рахунках фірм, адкрытых на падстаўных асоб. Што яшчэ адбываецца ў наркасвеце, ведае Аляксандра Штамплеўская.
У гэтым пад'ездзе шмат гадоў свая асаблівая атмасфера. З'едлівыя і небяспечныя пары ацэтону не толькі на лесвічнай клетцы, але і ў кватэры. Усё таму, што зусім побач працуе пякельная кухня - сусед варыць опіум.
Яшчэ нядаўна разабрацца з кожным такім выклікам было складана. Асабліва калі ад опіуму і шпрыцоў ужо паспелі пазбавіцца. Зараз жа апынуўся гаспадар або госць такога прытона за парогам кватэры - гатовы адміністрацыйны пратакол. З'яўленне ў грамадскім месцы ў стане наркатычнага ап'янення на першы раз абернецца штрафам. Паўторны выпадак - магчымы арышт. А суседзям шанц удыхнуць спакойна.
У гэтым гаражы лепш затрымаць дыханне па іншай прычыне. Сярод іншага аператыўнікі знайшлі 900 грамаў небяспечнага псіхатропу. Буйны інтэрнэт-магазін абслугоўваў адразу тры цэнтры: Мінск, Брэст, Гомель.
Васіль Лосіч, начальнік галоўнага ўпраўлення МУС Беларусі: "Пачынаючы з першага тыдня студзеня, доля дызайнерскіх наркотыкаў паступова памяншалася. Калі ў нас стабільна летась вар'іравалася ў межах 70%, то за першы тыдзень лютага ў нас знізілася да 51%. Гэта значыць фактычна 20% спайсаў мы змаглі адолець".
Спайс - усё яшчэ самая частая прычына пападання падлеткаў у таксікалогію. А вось агульную колькасць перадазіровак з пачатку года ўдалося скараціць у тры разы.
Што яшчэ змяняецца ў наркасвеце? Мы сабралі навіны па розныя бакі барыкад. Прызнанні гандляроў, адкрыцці наркаманаў і вердыкты ўрачоў. Меркаванні толькі ад першай асобы. Глядзіце спецыяльны рэпартаж "Усё па плане".
