Складаныя ўмовы надвор'я маглі стаць прычынай аварыі ў Брэсцкай вобласці. Паблізу горада Іванава сёння каля 7 раніцы на трасе Гомель - Кобрын лоб у лоб сутыкнуліся легкавая Audi і МАЗ. Паводле даных МУС, 28-гадовая вадзіцель не справілася з кіраваннем, выехала на сустрэчную паласу прама пад колы грузавіка. Жанчына і яе 26-гадовы пасажыр загінулі. На месцы інцыдэнту працуюць супрацоўнікі ДАІ, МНС і следча-аператыўная група. Устанаўліваюцца акалічнасці ДТЗ.
