У Мінску вынесены прысуд маці, чыя 8-месячная дачка загінула ад укусаў хаскі. Жанчыну прызналі вінаватай у тым, што 27 сакавіка гэтага года яна ў стане алкагольнага ап'янення пакінула без нагляду сваю маленькую дачку. Небяспеку ўяўляў 4-месячны шчанюк хаскі, якога, паводле версіі абвінавачання, гаспадыня не карміла, гэтак жа, як і дзіця. Віну падсудная прызнала цалкам.
Заслухаць прысуд прыйшлі сваякі падсуднай. Як паведаміў яе свёкар, ён, нібы, не раз спрабаваў забраць унучак і звяртаўся па дапамогу ў органы апекі. Аднак наведалі кватэру прадстаўнікі розных структур і ведамстваў толькі пасля таго, як адбылася трагедыя. Сабаку, паводле прысуду, павінны вярнуць заводчыку.
