Праваахоўнікі спынілі спробу хлопцаў закласці так званую наркатычную міну. На руках падлеткаў выяўлена каля сотні расфасаваных доз спайсу. Таксама некалькі доз яны ўжо паспелі пакласці ў схованкі. Вядома, што юнакі працавалі на падпольны інтэрнэт-магазін.
Сяргей Яцкоўскі, старшы оперупаўнаважаны аддзела наркакантролю і процідзеяння гандлю людзьмі Ленінскага РУУС Мінска: "Працавалі яны не так даўно. Як яны тлумачаць, закінулі заклад памерам 100 долараў. І павінны былі адпрацаваць наркотыкаў на зарплату 500 долараў. Г.зн. калі б яны паклалі адразу 500 долараў у магазін, ім бы не прыйшлося адпрацоўваць заклад, і яны б адразу атрымлівалі зарплату. Зарплата, як яны растлумачылі, у раёне 500 долараў за 100 раскладзеных скарбаў".
Хлопцам зараз прыйдзецца адказваць па-даросламу. Ім пагражае вельмі працяглы тэрмін за кратамі. Бо паводле дэкрэта №6, крымінальная адказнасць за збыт наркотыкаў наступае з 14 гадоў.
