Залаты квартэт беларускай зборнай на чэмпіянаце Расіі па біятлоне ў алімпійскіх дысцыплінах у Цюмені. Фантастычная чацвёрка - так ужо паспелі назваць нашу зборную спецыялісты. Наймацнейшы склад быў заяўлены ў класічную змяшаную эстафету, і трэнерскі штаб не пралічыўся. Горда гімн Беларусі гучаў у гонар сям'і Смольскіх - Дзінары і Антона, Дзмітрыя Лазоўскага і Ганны Солы. На базе Цэнтра зімовых відаў спорту "Жамчужына Сібіры" ўвесь спаборніцкі дзень правяла і здымачная група Агенцтва тэленавін.
Лепш, чым моцная кава, з раніцы бадзёраць перамогі беларускіх спартсменаў. Пакуль Мінск яшчэ прачынаўся, Ганна Сола ўжо пачынала трыумфальную гонку. І добрыя перадумовы на гэты спаборніцкі дзень у яе былі.
Зараджалі нашых біятланістаў балельшчыкі на трыбунах "Жамчужыны Сібіры". Хай і будны дзень - свабодных месцаў было няшмат. І падтрымлівалі тут аднолькава як гаспадароў, так і прыезджых атлетаў.
Найбольш складана было тым, хто фінішаваў. Задача астатніх - перадаць эстафету капітану нашай зборнай Антону Смольскаму з найлепшым вынікам, з чым Ганна Сола, Дзінара Алімбекава і Дзмітрый Лазоўскі справіліся практычна на выдатна.
А ў гэты час два беларускія дуэты рыхтаваліся да сінгл-міксту. Мікіта Лобастаў і Адэліна Сабітава на фінішы сталі пятымі, а Сцяпан Данілаў і Дар'я Кудаева - адзінаццатымі.
Гучна сустракалі трыбуны пераможца - прадстаўніка Цюмені Яўгена Гаранічава. Бронзавы прызёр Алімпійскіх гульняў у Сочы ярка завяршае сваю кар'еру.
Да фінішу чэмпіянату Расіі па біятлоне засталіся тры дні. У пятніцу, 29 сакавіка, дзверы "Жамчужыны Сібіры" будуць адчынены толькі для трэніровак, а ў суботу з нецярпеннем чакаем жаночую эстафету і мужчынскі мас-старт. Прамыя трансляцыі на тэлеканале "Беларусь 5".
