62-гадовы мясцовы жыхар расстраляў 13 аднавяскоўцаў. Ахвярамі злачынца сталі шэсць жанчын, столькі ж мужчын і двухгадовае дзіця. Мясцовыя СМІ паведамляюць, што мужчына проста ішоў па вёсцы і страляў ва ўсіх, хто трапляўся яму на шляху. Таксама ён сур'ёзна параніў сваю жонку і спрабаваў пакончыць з сабой. Яны абодва дастаўленыя ў бальніцу.
Па словах уцалелых суседзяў, якія не могуць паверыць у тое, што здарылася, мужчына, які страляў, быў зусім неканфліктным чалавекам.
