Брусель выпрацаваў адзіную стратэгію перамоў з Лонданам аб умовах выхаду Брытаніі з ЕС. Аб гэтым прэзідэнт Еўрапейскага савета Дональд Туск паведаміў сёння пасля спецыяльнага саміту Еўрасаюза па Брэксіту. Удзельнікі сустрэчы прынялі дакумент за чатыры хвіліны, а гэта, паводле слоў Туска, дэманструе адзінства 27 дзяржаў - членаў і інстытутаў ЕС і дае моцны палітычны мандат на далейшыя перамовы.
Дональд Туск, старшыня Еўрапейскага савета:
"Перамовы аб Брексіце не пачнуцца, пакуль мы не дасягнём значнага прагрэсу па трох асноўных тэмах - правы грамадзян ЕС, фінансы і пытанне арганізацыі памежнага і мытнага кантролю на мяжы Ірландыі з Паўночнай Ірландыяй. Толькі пасля гэтага Брусель і Лондан змогуць пачаць перамовы аб будучых адносінах. Пры гэтым рашаць, ці дасягнуты значны прагрэс, будуць лідары ЕС".
Падрыхтоўка да пачатку перамоў аб Брэксіце павінна быць завершаная да канца мая, але пачнуцца яны ўжо пасля 8 чэрвеня, калі стануць вядомыя вынікі пазачарговых парламенцкіх выбараў у Вялікабрытаніі. Устаноўлены таксама тэрмін рашэння ўсіх пытанняў: перамовы павінны скончыцца 29 сакавіка 2019 года.
