Тэрміновыя паведамленні ў гэтыя хвіліны прыходзяць з Валгаграда. Смяротнік падарваў тралейбус. Загінулі, сама меней, 10 чалавек. За апошнія суткі гэта другі тэракт у горадзе. Ахвярамі ўчарашняга на чыгуначным вакзале сталі ўжо 17 чалавек. Уначы ў бальніцы памёр адзін з пацярпелых. Шасцёра знаходзяцца ў цяжкім стане, сярод іх 9-гадовая дзяўчынка.
Новы год у Валгаградскай вобласці пачнецца з трохдзённай жалобы. Усю ноч да вакзала, дзе адбылася трагедыя, людзі неслі кветкі. Сёння на ўсіх чыгунках Расіі аб'явяць хвіліну маўчання. Нагадаем, напярэдадні на ўваходзе ў будынак вакзала ў Валгаградзе спрацавала бомба, магутнасцю каля 10 кілаграмаў трацілу. Ахвяраў магло быць і больш, але тэрарыст не змог ўшчыльную падысці да інфармацыйнага табло. Дарогу перакрылі паліцэйскі і супрацоўнікі службы бяспекі вакзала - усе трое і загінулі. Людзі, якія сталі відавочцамі трагедыі, дагэтуль не могуць ачуцца.
Пакуль застаецца невядомым, хто іменна прывёў у дзеянне прыстасаванне. Паводле адной з версій, выбух учыніў мужчына, які прынёс бомбу ў рукзаку. Паводле другой, смяротніцай магла быць нейкая Аксана Асланава. Яе маглі рыхтаваць у дагестанскім бандпадполлі. Таксама як і Наіду Асіялаву - тэрарыстку, што падарвала бомбу ў валгаградскім аўтобусе ў канцы кастрычніка. Зараз рэшткі меркаванага смяротніка адпраўлены на экспертызу.
