Вярхоўны суд Кіпра сёння адхіліў апеляцыі ўладальнікаў укладаў у Банку Кіпра

Вярхоўны суд Кіпра сёння адхіліў апеляцыі ўладальнікаў укладаў у Банку Кіпра і Кіпрскім народным банку ў адносінах да сакавіцкага рашэння еўрагрупы - аб стрыжцы незастрахаваных дэпазітаў і кансалідацыі гэтых фінансавых устаноў. Згодна з вердыктам, пратэсты пацярпелых адносяцца да грамадзянскага права і не трапляюць пад юрысдыкцыю Вярхоўнага суда. Адначасова Вярхоўны суд адзначыў, што ўладальнікі дэпазітаў могуць адстойваць свае правы, падаючы іскі супраць дзеянняў банкаў у акруговых судах. Нагадаем, на працягу апошніх тыдняў у Вярхоўны суд былі пададзеныя звыш 3 тысяч апеляцый уладальнікамі рахункаў, чые сродкі былі ў прымусовым парадку замарожаныя, а частка з іх ужо канвертаваная ў акцыі Банка Кіпра. Яны лічаць гэтыя дзеянні парушэннем правоў і адкрытым рабаваннем.