Украінскія СМІ публікуюць праект указа новаабранага прэзідэнта аб датэрміновым роспуску Вярхоўнай рады. Паведамляецца, што інфармацыю перадала СМІ сама каманда Зяленскага. Тэкст пакуль не зацверджаны і будзе дапрацоўвацца, але падпісанне дакумента запланавана на 20 мая - у дзень інаўгурацыі. Згодна з апублікаванай версіяй указа, плануецца датэрмінова спыніць паўнамоцтвы парламента і прызначыць нечарговыя выбары на 14 ліпеня. Таксама ўдакладняецца, што пасля выхаду з кааліцыі "Бацькіўшчыны" і "Самадапамогі" 19 лютага 2016 года ў дзвюх астатніх фракцыях менш за палову канстытуцыйнага складу парламента. На падставе гэтага ў прэзідэнта ёсць права распусціць Раду.