Еўрапарламент падтрымаў сёння рашэнне Еўракамісіі запусціць санкцыённую працэдуру супраць Польшчы за парушэнні еўрапейскіх прынцыпаў у нацыянальнай судовай рэформе.
У самой жа Польшчы ўступіў у сілу закон аб Інстытуце нацыянальнай памяці. Ён прадугледжвае крымінальную адказнасць за адмаўленне злачынстваў украінскіх нацыяналістаў - бандэраўцаў - і за публічныя заявы аб дачыненні польскага народа да халакосту.
За парушэнне ўводзіцца пакаранне ў выглядзе штрафу або пазбаўленні волі на тэрмін да трох гадоў.
Зараз пад забарону трапляе выраз "польскія лагеры смерці" і іншыя выказванні, якія можна інтэрпрэтаваць як жаданне выставіць палякаў саўдзельнікамі нацыстаў. Пакаранне таксама пагражае тым, хто паспрабуе прапагандзіраваць бандэраўскую ідэалогію і адмаўленне Валынскай разні, учыненай у гады вайны ўкраінскімі нацыяналістамі, калі ахвярамі сталі не менш, чым 30-40 тысяч палякаў.
Вось некаторая вытрымкі з палажэнняў закона:
"Кожны, хто публічна прыпісвае польскаму народу або дзяржаве адказнасць або саўдзел у злачынствах, учыненых Трэцім рэйхам, або іншых злачынствах супраць чалавецтва і свету, а таксама ваенных злачынствах, павінен быць пакараны штрафам або пазбаўлены волі на тэрмін да трох гадоў".
"Пад дзеянне закона, акрамя злачынстваў нацыстаў і камуністаў, падпадаюць таксама і злачынствы ўкраінскіх нацыяналістаў і членаў украінскіх фарміраванняў, якія супрацоўнічалі з Трэцім рэйхам".
І сёння ж урад Польшчы накіраваў у сейм праект закона аб разжалаванні генералаў, якія атрымалі званні ў поры Польскай Народнай Рэспублікі, - заявіў прэм'ер-міністр Польшчы Матэвуш Маравецкі.
Сярод генералаў, якіх можа закрануць закон, - былы прэзідэнт Польскай Народнай Рэспублікі Войцэх Ярузельскі. Урад вырашыў заняцца дадзеным законапраектам менавіта 1 сакавіка, калі ў краіне адзначаецца Нацыянальны дзень памяці "праклятых салдат" - удзельнікаў антысавецкіх і антыкамуністычных падпольных арганізацый у Польшчы на позніх этапах Другой сусветнай вайны і пасля яе завяршэння.
