Да канца дня будзе прынята рашэнне аб меры спынення затрыманым. Сёння раніцай двое падлеткаў, узброеныя нажамі, пачалі бойку ў калідоры і затым ужо ў кабінеце, дзе былі вучні чацвёртага класа. Як паведамляюць відавочцы, там яны сталі нападаць на школьнікаў - класная кіраўніца дапамагала дзецям выратавацца. У выніку 15 чалавек атрымалі раненні. Выкладчык і яшчэ двое падлеткаў - у бальніцы ў цяжкім стане.
Шпіталізаваны і адзін з падазроных. Другога дапытваюць. Як паведамляюць у Следчым камітэце, прычынай бойкі мог стаць канфлікт у сацыяльных сетках. Вядома, што адзін з завадатараў - былы вучань, які раней стаяў на ўліку ў псіханеўралагічным дыспансеры. Ён змог трапіць у школу, таму што ў яго захаваўся стары пропуск. Таксама СМІ перадаюць, што ў "Вконтакте" на старонцы аднаго з нападаючых размешчана шмат відэазапісаў, прысвечаных тэракту 99-га года ў амерыканскай школе "Калумбайн" у Каларада. Ва ўсіх навучальных установах Пермі ўзмоцненыя меры бяспекі.
