На ім прадстаўлены даклад інспектараў, якія расследавалі інцыдэнты з хімічнай зброяй у Сірыі. З гэтай справаздачай ужо азнаёміўся Генеральны сакратар ААН. Як чакаецца, па выніках пасяджэння Пан Гі Мун выступіць з спецыяльнай заявай аб выніках расследавання. Паміж тым афіцыйны Дамаск ужо пацвердзіў гатовасць выканаць план па хімічным раззбраенні пасля яго зацвярджэння ў Савбясе ААН. Урад Асада гатовы выканаць усе загады сусветнай супольнасці без якіх-небудзь абмежаванняў і ўжо пачаў рыхтаваць адпаведныя дакументы. Тым часам у Сірыі працягваюцца жорсткія баі паміж урадавымі войскамі і атрадамі ўзброеных мяцежнікаў. Рэгулярнай арміі ўжо атрымалася знішчыць некалькі дзясяткаў баевікоў тэрарыстычнай групоўкі Фронт Ан-Нусра і некалькі складоў з боепрыпасамі. Уплывовая брытанская газета Дэйлі Тэлеграф апублікавала звесткі даследавання, паводле якога ў Сірыі зараз ваююць каля 100 000 баевікоў, і амаль палова з іх - гэта радыкальныя ісламісты. Байцы падзяляюцца прыкладна на тысячу разрозненых груп, некаторыя з якіх напроста звязаныя з Аль-Каідай.
