У Егіпце ўведзены рэжым надзвычайнага становішча

25 Кастрычніка 2014

Прадоўжыцца ён тры месяцы ў шэрагу раёнаў правінцыі Паўночны Сінай пасля двух буйных тэрактаў. Паводле апошніх звестак, ахвярамі трагедыі сталі больш чым 30 чалавек. Сярод загінуўшых ёсць і ваенныя, і цывільныя асобы. Напярэдадні ў Егіпце была аб'яўленая трохдзённая жалоба. Нагадаем, у пятніцу ў Егіпце адбыліся два тэракты. Першы здарыўся на КПП побач з адміністрацыйным цэнтрам правінцыі Паўночны Сінай - горадам Эль-Арыш. Другі адбыўся крыху пазней на іншым ваенным КПП, размешчаным у гэтай жа гарадской акрузе.