У Егіпце на пляжы смерці патанулі 11 чалавек

Трагедыя ў Егіпце. Непадалёк ад Александрыі, як паведамляе партал "Масраві", на так званым пляжы смерці патанулі 11 чалавек. Адзін з іх - дзіця, астатнія 10 спрабавалі яго выратаваць, але не змаглі. Целы пяцярых дагэтуль не знойдзеныя. Сам пляж быў закрыты на карантын праз эпідэмію COVID-19, таму і ратавальнікаў там не было. Купальшчыкі сюды патрапілі ўпотай, каб не сустрэцца з паліцыяй.