Пра гэта паведамілі ў Мінтрансе Кыргызстана. На месцы надзвычайнага здарэння працягваюцца пошукава-выратавальныя работы. Трагедыя адбылася сёння раніцай. Грузавы самалёт, які ляцеў з Ганконга ў Стамбул, павінен быў дазаправіцца ў кыргызскім аэрапорце Манас. Але лайнер не даляцеў да ўзлётнай паласы каля двух кіламетраў, фюзеляжам зачапіў плот і зваліўся на жылыя дамы дачнага пасёлка. Відавочцы авіякатастрофы паведамляюць: быў вялікі воплеск, дамы моцна скаланула. Машына павалілася і праехала па тэрыторыі пасёлка некалькі метраў. Затым пачаўся пажар. Агонь ужо лакалізаваны, узгаранне зараз ліквідуюць. Паводле апошніх звестак, 32 прыватныя дамы разбураны - ідзе разбор завалаў. Загінулі 32 чалавекі, уключаючы 4 пілотаў, адзін з якіх памёр дарогай у бальніцу. Сярод ахвяраў цэлыя сем'і, у тым ліку шасцёра дзяцей.
10 пацярпелых, сярод якіх шасцёра дзяцей і цяжарная жанчына, шпіталяваныя. Зараз аэрапорт закрыты. Усе рэйсы адкладзеныя на нявызначаны час. На месцы авіякатастрофы працуюць псіхолагі і псіхіятры, якія дапамагаюць сваякам загінуўшых і пацярпелых. 17 студзеня ў Кыргызстане аб’явілі днём жалобы.
