Пасяджэнне праходзіць у закрытым рэжыме. Яго вынікам можа стаць змена меры спынення для расійскага сенатара-алігарха. Абвінавачанне настойвае, што на час следства Керымаў павінен быць змешчаны ў камеру папярэдняга зняволення. Раней следчыя распавялі прэсе, што Сулейман Керымаў мог увезці ў Францыю да 750-ці мільёнаў еўра наяўнымі. Пракуратура сцвярджае, што некалькі чамаданаў грошай спатрэбіліся сенатару, каб купіць вілы ў Прыморскіх Альпах. Такім чынам Керымаў спрабаваў "адмыць" грошы і заадно сысці ад выплаты падаткаў на тэрыторыі Францыі. Следства заяўляе, што пры куплі нерухомасць афармлялася па заніжанай цане.
