Выбух у парыжскім метро

Надзвычайнае здарэнне ў парыжскім метро. Мясцовыя СМІ паведамілі пра выбух на станцыі "Насьён". Яна з'яўляецца буйным перасадачным вузлом і злучае некалькі ветак падземкі. Удакладнялася, што пасажыры былі экстранна эвакуіраваныя. Звестак аб пацярпелых або загінуўшых не паступала. Афіцыйных каментарыяў ад французскіх улад пакуль няма. Між тым у "Твітары" парыжскага метрапалітэна з'явілася паведамленне, што выбух быў выкліканы механічнай праблемай, якую да гэтага моманту ўдалося вырашыць.