Рыцарскія баі, мотакаскадзёры, кавер-гурты і вулічныя тэатры ў рамках праекта No Stage. Мінск рыхтуе разнастайную праграму на свой дзень нараджэння. У выхадныя сталіца з размахам адзначыць Дзень горада. Марафон стартуе ўжо ў пятніцу. На пляцоўцы ля Палаца спорту пройдуць спаборніцтвы сярод пажарных-ратавальнікаў, а байкеры закрыюць мотасезон. У суботу ў Верхнім горадзе оўпен-эйр-праекты. "Мінск інтэрнацыянальны" пазнаёміць з традыцыямі многіх культур, а ўвечары ля Ратушы адбудзецца канцэрт артыстаў балета Музычнага тэатра. Традыцыйная цырымонія ўручэння ўзнагарод "Мінчанін года" пройдзе на Кастрычніцкай плошчы.
На дзень нараджэння Мінска зменіцца праца грамадскага транспарту. Колькасць наземнага павялічыцца, а інтэрвал падземнага - зменшыцца. Цягнікі ў метро будуць курсіраваць кожныя 5 хвілін у дзённы час, а вечарам - кожныя 3 хвіліны.
