Скандал на Імглістым Альбіёне

Двух юных брытанцаў выгналі з навучальнай установы за адмову згаліць бароды. Інцыдэнт адбыўся ў каталіцкай школе Маўнт-Кармел. Адмову галіцца падлеткі-мусульмане матывавалі рэлігійнымі меркаваннямі. Між тым, расліннасць на твары навучэнцаў супярэчыць унутрышкольнаму статуту. У выніку 14-гадовых хлопцаў ізаліравалі ад астатніх школьнікаў. Кіраўніцтва Маўнт-Кармел заявіла, што гэта рашэнне не з'яўляецца вынікам міжканфесійных прадузятасцяў. Тым не менш, інцыдэнт выклікаў незадаволенасць шматлікай мусульманскай суполкі Брытаніі.