Паўночная Карэя адзначае нацыянальнае свята - 105-ю гадавіну з дня нараджэння вечнага прэзідэнта краіны Кім Ір Сена. З гэтай нагоды на галоўнай плошчы Пхеньяна праходзяць урачыстыя мерапрыемствы. Мясцовыя ўлады арганізавалі грандыёзны ваенны парад, які прымае лідар КНДР Кім Чэн Ын. Уздоўж ракі Тэданган выстраіліся сотні адзінак тэхнікі з салдатамі. Чакаецца, што ў рамках мерапрыемства будуць прадэманстраваныя апошнія ваенныя распрацоўкі краіны, у тым ліку ракетныя. Нагадаем, раней прэзідэнт ЗША Дональд Трамп прызнаў КНДР пагрозай і назваў сітуацыю ў рэгіёне напружанай. У сувязі з гэтым да берагоў Карэйскага паўвострава накіравана амерыканская ўдарная авіяносная групоўка на чале з авіяносцам "Карл Вінса".
