Сем чалавек загінулі ў пажары ў жылым доме ў Маскве

У пажары ў старажытным жылым доме на Нікіцкім бульвары ў Маскве загінулі сем чалавек, сярод іх дзіця. Паводле слоў спецыялістаў, будынак можа абваліцца. Падчас тушэння агню з яго былі выведзеныя 42 чалавекі, з іх восем дзяцей. Ратавальнікі працягваюць разбіраць завалы. Асноўная версія прычын узгарання - праблемы з праводкай. Пажарнікам не атрымлівалася зладзіцца з полымем чатыры гадзіны.