Сёння раніцай прагрымеў выбух ля аднаго з бізнес-цэнтраў Афін

Выбуховай хваляй выбіла шкло ў офісным будынку. На шчасце, ніхто не пацярпеў. Паводле звестак паліцыі, зламыснікі пакінулі рукзак з самаробным выбуховым прыстасаваннем прама ля ўваходу ў дзелавы цэнтр. Таксама вядома, што за паўгадзіны да надзвычайнага здарэння ў адну з мясцовых газет паступіў ананімны званок аб тым, што рыхтуецца выбух. Паводле папярэдняй версіі, бомбу падклалі мясцовыя палітычныя радыкалы.