27 февраля 2020
Вакцыну ад каранавіруса ўжо пачалі выпрабоўваць на людзях навукоўцы ЗША. Першы прышчэплены - амерыканец. Яго эвакуіравалі з круізнага лайнера Diamond Princess. Толькі вынікаў доследу трэба чакаць паўтара месяца. Тым часам колькасць заражаных у штатах узрасла да 60 чалавек.
Успышка каранавіруса ў Еўропе
У Еўропе самая складаная сітуацыя з COVID-19 у Італіі, дзе ўпершыню захварэлі дзеці. Усяго заражаных у бальніцах 400 чалавек, загінулі не менш за 10. Вірус дабраўся і да скандынаўскіх краін.
А ў Літве ўлады аб'явілі рэжым экстрэмальнай сітуацыі і пастанавілі стварыць Дзяржаўны аператыўны цэнтр.
Каранавірус затармазіў эканоміку Еўропы
Успышка каранавіруса акажа ўплыў на эканоміку Еўрасаюза, бо Кітай - адзін з асноўных рынкаў збыту. Пад ударам можа апынуцца прамысловасць Германіі - галоўнай эканомікі ЕС. Рост ВУП у студзені-сакавіку 2020 года, верагодна, затармозіцца да 0,1 %. На барацьбу з COVID-19 ЕС выдзеліць больш за 230 мільёнаў еўра. З іх 100 мільёнаў пойдуць на даследаванні.
