Ахвярамі выкліканых ліўнямі паводак сталі 3 чалавекі. 91-гадовая жанчына загінула ў горадзе Ханамакі пасля таго, як яе дом накрыла апоўзнем. У Нісівага двух чалавек у пятніцу ўнесла плынню ракі, якая з-за вялікіх ападкаў выйшла з берагоў. Целы загінуўшых былі знойдзеныя толькі сёння. Больш за ўсё ад стыхіі пацярпелі прэфектуры Іватэ і Акіта, там узровень ападкаў за апошнія суткі перавысіў 261 міліметр. Мясцовыя ўлады рэкамендавалі жыхарам пацярпелых раёнаў эвакуіравацца. Разбіраць завалы дапамагаюць вайскоўцы.
