Улады Ізраіля плануюць стварыць буферную зону ў Газе пасля завяршэння аперацыі ў анклаве. Пра свае планы Тэль-Авіў ужо праінфармаваў шэраг арабскіх краін. План грунтуецца на трохузроўневым працэсе, у тым ліку знішчэнні ХАМАСа, дэмілітарызацыі Газы і дэрадыкализацыі анклава. Тым часам баявыя дзеянні ў сектары Газа перакінуліся на паўднёвую частку. Міністр абароны Ізраіля заявіў, што ЦАХАЛ пачаў самую моцную бамбардзіроўку з пачатку канфлікту. За два дні паражана больш як 400 цэляў.
Раней ізраільцяне заклікалі жыхароў раёнаў эвакуіравацца бліжэй да мяжы з Егіптам. Як паведамляе Міністэрства аховы здароўя Газы, у выніку аднаўлення ізраільскіх удараў загінулі каля 200 чалавек. У адказ ХАМАС абстраляў Тэль-Авіў ракетамі. Іх спыніла сістэма СПА "Жалезны купал". Але адна з ракет-перахопнікаў упала ў прыгарадзе. Быў паранены мясцовы жыхар.
