НАТА патрабуе дэталяў правядзення вучэнняў "Захад-2021"

Генсак НАТА Енс Столтэнберг заклікаў Расію раскрыць дэталі маючых адбыцца вучэнняў "Захад-2021". Ён тлумачыць гэта "ростам занепакоенасці краін Балтыі, Польшчы і Украіны". Пры гэтым з панядзелка ў Латвіі альянс разгарнуў ваенныя манеўры з удзелам больш як 9 тысяч вайскоўцаў з Канады, ЗША, Вялікабрытаніі, іншых краін. Да 3 кастрычніка тэхніка і асабовы склад альянсу могуць перамяшчацца ў любы пункт Латвіі. А Расія і Беларусь неаднаразова дэманстравалі выключна абарончы характар вучэнняў.