Адзін чалавек загінуў, трое паранены ў выніку нападзення на школьнікаў у Чэхіі. Трагедыя здарылася сёння ў адной з навучальных устаноў за 160 кіламетраў ад Прагі. На навучэнцаў з нажом накінулася маладая жанчына 26 гадоў. Ахвярай стаў 16-гадовы юнак. Ён атрымаў найбольш цяжкія раненні, ад якіх пасля памёр. Акрамя таго, пацярпелі дзве школьніцы і афіцэр паліцыі, які спрабаваў спыніць жанчыну. Яна затрымана. Зараз паліцыя спрабуе ўстанавіць акалічнасці трагедыі. Паводле папярэдніх звестак, злачынства магло быць учынена ў стане цяжкага наркатычнага ап'янення.
