Дэпутата Вярхоўнай рады Надзею Саўчанку могуць прыцягнуць да крымінальнай адказнасці за спробу арганізацыі дзяржперавароту. Прадстаўленне на яе арышт унёс ва ўкраінскі парламент генпракурор Юрый Луцэнка.
Ён сцвярджае, што ў следства ёсць неабвяргальныя доказы таго, што Саўчанка асабіста планавала тэракт у Радзе. Па словах Луцэнкі, тэрарысты збіраліся мінамётным агнём абваліць купал будынка, а затым "аўтаматамі дабіваць тых, хто выжыве". У сваю чаргу Саўчанка абвінаваціла спікера Рады Андрэя Парубія ў дастаўцы снайпераў на Майдан, а Луцэнка ў тым, што ён з трыбуны заклікаў ісці ў наступ, паабяцаўшы, "што будзе зброя".