На паўднёвым усходзе Аўстраліі разбіўся лёгкаматорны самалёт

На паўднёвым усходзе Аўстраліі - недалёка ад Мельбурна - разбіўся лёгкаматорны самалёт. Паветранае судна ўпала ў мора побач з населеным пунктам. На месца крушэння накіраваныя два судны берагавой аховы і медыцынскія верталёты. Улады ўдакладняюць лік ахвяраў, мясцовыя СМІ, у сваю чаргу, паведамляюць аб трох загінуўшых. Ёсць апасенні, што ўсяго загінулі пяць чалавек. Відавочцы гавораць аб дрэннай бачнасці ў раёне авіякатастрофы.