На варце сваёй маёмасці

Крутая Джорджыя. Паліцыя акругі Гуінет у ЗША апублікавала відэа перастрэлкі ў прыватным доме. Трое злачынцаў прабраліся ў жыллё, аднак гаспадыня не разгубілася і змагла абараніць сваю маёмасць. Знята, як рабаўнікі ходзяць па пакоі ў пошуках нажывы, калі раптам са спальні выбягае жанчына з пісталетам і пачынае стральбу ў бок зламыснікаў. Яны спрабуюць спачатку даць адпор, але неўзабаве ўцякаюць, бо разумеюць, што адпор дадзены сур'ёзны. Бандыты кідаюцца ўрассыпную. Дваім удалося ўцячы, а трэці памёр ад раненняў па дарозе недалёка ад месца здарэння. Пасля жанчына тэлефануе ў службу выратавання. У выніку ніякіх абвінавачанняў гаспадыні дома паліцыя не прад'явіла, наадварот, заявіла, што яна мела поўнае права на абарону сябе і сваёй уласнасці.