Мір на Данбасе павінен быць дасягнуты праз мінскія дамоўленасці. Пра гэта заявіў прэзідэнт Украіны Пётр Парашэнка па выніках сустрэчы з віцэ-прэзідэнтам ЗША Джозефам Байдэнам. Як адзначыў украінскі лідар, палітыкі прыйшлі да згоды, што фармат мінскага дагавора і трохбаковай кантактнай групы Украіна - АБСЕ - Расія з'яўляецца найбольш прымальным для забеспячэння мірнага працэсу ў рэгіёне. Сітуацыя на Данбасе застаецца цяжкай. Паводле апошніх звестак ААН, (яны былі апублікаваны на гэтым тыдні) ахвярамі канфлікту на ўсходзе Украіны сталі больш за 4 тысячы 300 чалавек. Каля 10 тысяч атрымалі раненні.
