"Падтрымка тэрарызму і паказчык палітычнай нізасці амерыканскай адміністрацыі", - так у Маскве ацанілі заяву Дзярждэпартамента ЗША аб магчымасці тэрактаў у Расіі з-за дзеянняў у Сірыі. Прадстаўнік амерыканскага ведамства Джон Кірбі, нагадаем, напярэдадні заявіў, што экстрэмісты прадоўжаць карыстацца вакуумам улады ў Арабскай Рэспубліцы для пашырэння сваіх аперацый, якія будуць уключаць у сябе, без сумнення, атакі на расійскія інтарэсы, магчыма, нават расійскія гарады.
Правакацыйныя словы пракаменціравала афіцыйны прадстаўнік МЗС Расіі Марыя Захарава. Паводле яе слоў, такія заявы - гэта істэрыка і грубасць, якая не адпавядае нормам гуманізму. Для зніжэння напружанасці паміж Вашынгтонам і Масквой неабходна спыніць "цынічныя выпады", падкрэсліла Захарава.
