Да чыгуначнай аварыі ў Каіры прывёў канфлікт двух машыністаў

Стала вядома прычына чыгуначнай аварыі ў Каіры. Да гібелі 28-мі чалавек прывёў канфлікт двух машыністаў і нядбалыя дзеянні аднаго з іх. Вадзіцелі двух цеплавозаў не падзялілі пуці. Адзін з іх для высвятлення адносін пакінуў кабіну, не выключыўшы рухавік. У выніку цягнік сам набраў хуткасць і на поўным ходзе ўляцеў у адбойнік чыгуначнага вакзала. Яго паліўныя бакі падарваліся, што справакавала пажар. 50 чалавек шпіталізавана.