Ізраільскія войскі нанеслі шэраг удараў па Сектары Газа

Ізраільскія войскі нанеслі шэраг удараў па Сектары Газа ў адказ на новыя ракетныя абстрэлы з боку баевікоў ХАМАС. Інцыдэнт адбыўся за лічаныя гадзіны да заканчэння апошняга трохдзённага перамір'я. І ён ставіць на грань зрыву папярэднія дамоўленасці аб яго прадаўжэнні. Агонь планавалі спыніць яшчэ на 5 дзён. Зрэшты, заяву аб такім пагадненні зрабілі пакуль толькі палесцінцы. Што ж датычыцца Тэль-Авіва, то ён сваю згоду не пацвердзіў, абвінаваціўшы экстрэмістаў у парушэнні мараторыя. Цяперашні канфлікт ужо забраў жыцці 67 ізраільцян і каля 2 тысяч чалавек з палесцінскага боку.