Індыя ўзмацніла жорсткасць пакарання за згвалтаванне

Адпаведную пастанову падпісаў прэзідэнт краіны Пранаб Мукхерджы. Будуць унесены папраўкі ў Крымінальны кодэкс. Яны прадугледжваюць вышэйшую меру пакарання ў выпадку, калі згвалтаванне пацягнула смерць пацярпелай або прычыніла сур'ёзную шкоду здароўю. Турэмны тэрмін павялічаны з 10 да 20 гадоў. Таксама пазбаўленне волі зараз пагражае за праследаванне жанчын. Сёння ж у Нью-Дэлі пачынаецца суд над 5 злачынцамі, якія ў снежні здзейснілі групавое згвалтаванне 23-гадовай студэнткі, якая пасля памерла. Ім прад'яўленыя абвінавачванні ў забойстве, выкраданні, злачыннай змове і рабаванні.