Грэчаскі парламент прагаласаваў за давер ураду краіны на чале з новым прэм'ер-міністрам Алексісам Цыпрасам. Яго падтрымалі 162 дэпутаты з 300. Прадстаўляючы праграму, Цыпрас падкрэсліў, што Грэцыя павінна стаць эканамічна самастойнай дзяржавай, адмовіўшыся ад праграмы фінансавай падтрымкі ЕС і МВФ, паводле якой краіна павінна праводзіць палітыку жорсткай эканоміі. Як чакаецца, праца ўрада будзе накіравана на ажыццяўленне рэформ па барацьбе з беднатой і беспрацоўем.
