Кіраўнік польскага МУС Марыюш Блашчак лічыць, што тэракты ў іспанскіх гарадах з'яўляюцца следствам памылковай палітыкі Еўропы ў дачыненні бежанцаў. Ён ізноў выказаў меркаванне, што рашэннем праблемы стане закрыццё еўрапейскіх межаў. Падобную прапанову ў Варшаве агучвалі яшчэ пасля лонданскіх тэрактаў 22 сакавіка і 3 чэрвеня. Сёння ж міністр унутраных спраў Францыі заявіў аб узмацненні пагранічнага кантролю пасля тэракта ў Барселоне.
