Генсакратар ААН Пан Гі Мун заклікае разам вырашаць праблему ўцекачоў

Генеральны сакратар ААН Пан Гі Мун заклікае ўсе краіны свету разам вырашаць праблему ўцекачоў. Пераадолець самы востры з часоў Другой сусветнай вайны міграцыйны крызіс, паводле яго слоў, дапаможа толькі глабальная салідарнасць. Канферэнцыя, прысвечаная пошуку шляхоў выхаду з крызісу, прайшла ў кулуарах сесіі Генеральнай асамблеі ААН у Нью-Ёрку. Раней краінамі "Вялікай сямёркі" і дзяржавамі Персідскага заліву было прынята рашэнне вылучыць ААН для дапамогі ўцекачам амаль два мільярды долараў.