Генасамблея ААН прыняла праект рэзалюцыі аб барацьбе з гераізацыяй нацызму

Суаўтарам дакумента, накіраванага на ліквідацыю расізму, расавай дыскрымінацыі, ксенафобіі і нецярпімасці, выступіла Беларусь. Масква ўносіць праект на разгляд Генасамблеі штогод. Аднак толькі на 70-й сесіі і ў 70-ю гадавіну заканчэння Другой сусветнай рэзалюцыя атрымала падтрымку 133-х дзяржаў. 49 устрымаліся, у асноўным краіны Еўрасаюза. ЗША, Украіна, Канада і Палау выступілі супраць. У дакуменце выказваецца занепакоенасць у сувязі з распаўсюджваннем у свеце розных экстрэмісцкіх палітычных партый, рухаў і груп.