Еўрапарламент падоўжыў адмену пошлін на імпарт украінскай сельскагаспадарчай прадукцыі да 5 чэрвеня наступнага года.
Прадугледжваецца магчымасць прыняцця Еўракамісіяй экстранных мер у выпадку, калі пастаўкі ўкраінскай прадукцыі нанясуць страты эканоміцы адной або некалькіх краін ЕС. Хоць паводле ацэнак, якія гучалі раней, страты ЕС ад лібералізацыі гандлю з Украінай за 2 гады ўжо склалі 19 млрд еўра. І зараз гандлёвыя прэферэнцыі для Кіева падоўжаны.
Заяўлена, што рашэнне прымалася з мэтай падтрымкі Украіны. Пры гэтым заклікі еўрапейскіх фермераў - абараніць нацыянальнага вытворцу ад таннага імпарту - засталіся без адказу. І спыняць пратэсты аграрыі не маюць намеру.
